կարևոր
1738 դիտում, 3 ամիս առաջ - 2024-03-12 10:58
Քաղաքական

Երևանի հասարակական տրանսպորտը 3-5 տարով կարող է լինել անվճար, գումարի տեղն էլ ասում ենք․ Վիկտոր Մնացականյան

Այս պահին տեղի է ունենում ավագանու նիստ, որի օրակարգում տրանսպորտի թանկացումն է։ Քաղաքապետարանի դիմաց բողոքի ակցիա է տեղի ունենում։ Քաղաքացիները դեմ են տրանսպորտի թանկացմանը։
Քաղաքացիների ձայնը երբեւէ ինչ-որ մեկը լսե՞լ է. տրանսպորտի ոլորտը ամենանուրբ ոլորտն է և պետք է արվեին պիլոտային ծրագրեր: Այս մասին նշեց Երևանի Կենտրոն վարչական շրջանի նախկին ղեկվար Վիկտոր Մնացականյանը՝ անդրադառնալով տրանսպորտի թանկացման նախաձեռնությանը:

«Իրենք անում են ընդամենը հասարակակն տրանսպորտի վատթարացում, որովհետև այս մոդելով սա չի աշխատելու, ինչպես չաշխատեց կարմիր գծերի թանկացումը Կենտրոնում։ Կենտրոնի փողոցները չեն բեռնաթափվել, միայն ցերեկը որոշ ժամերի, որոշ փողոցներում է դա եղել: Կենտրոնում ունենք հարյուրավոր բակեր, որոնք հնարավորություն չունեն բակերում մեքենաները կագնեցնելու»,-ասաց նա:

Հարցին՝ հնարավո՞ր է որակյան եւ նորմալ տրանսպորտ ունենալ Երեւանում առանց ուղեվարձը թանկացնելու, նա պատասխանեց. «Որակյալի մասով կդժվարանամ պատասխանել, ավելի շուտ չի լինի: Ես ունեմ ներքին իմ համոզմունքը, որ Երեւանի տրանսպորտը գոնե 3-5 տարով կարող է լինել անվճար, եւ մենք գումարի տեղում ասում ենք , բայց էս մարդիկ անպայման պետք է մտնեն քաղաքացիների գրպանը: Էլ չեմ ասում, որ միլիարդավոր վարկեր ենք վերցնել մեր ուսերի վրա, որը փակելու են մեր երեխաները»:

Մանրամասն՝ տեսանյութում