ՀՀ-ն ի զորու է «Զվարթնոց» օդանավակայանում միայնակ իրականացնել սահմանապահ ծառայություն. Արարատ Միրզոյան

Հայաստանն ի զորու է «Զվարթնոց» օդանավակայանում միայնակ իրականացնել սահմանապահ ծառայություն։  Այս մասին հայտարարեց ՀՀ արտաքին գործերի նախարար Արարատ Միրզոյանը Կիպրոսի Հանրապետության արտաքին գործերի նախարար Կոնստանտինոս Կոմբոսի հետ համատեղ ասուլիսում։

«Ռուսական կողմը տեղեկացվել է հայկական կողմի նախաձեռնության մասին։ Ի սկզբանե, ռուսական կողմի մասնակցությունը մի շարք վայրերում, այդ թվում՝ «Զվարթնոց»-ում մտածված է եղել, իբրև աջակցություն նորանկախ հայկական պետությանը, և այն նախատեսված է եղել իրականացնել այնքան ժամանակ, քանի դեռ Հայաստանը կունենա ինստիտուցիոնալ հնարավորություն՝ ամբողջությամբ իրականացնելու այդ գործառույթը։

Հիմա մենք կարծում ենք, որ ՀՀ-ն ինստիտուցիոնալ առումով ի զորու է օդանավակայանում միայնակ իրականացնել այդ գործառույթը։ Ենթադրում եմ, որ սա բավարար կլինի ռուսական կողմի համար»․ - նշել է Արարատ Միրզոյանը։

Հիշեցնենք՝ երեկ ՌԴ նախագահի մամուլի քարտուղար Դմիտրի Պեսկովը ասել էր, որ ՌԴ-ն տեղյակ չէ «Զվարթնոց»-ից ​​ռուս սահմանապահներին դուրս բերելու ՀՀ-ի որոշումներից։

Օրվա իշխանությունը ջանք չի խնայում հակառուսական ցանկացած քայլի համար։