կարևոր
1507 դիտում, 4 ամիս առաջ - 2024-01-22 16:44
Հասարակություն

Սևանա լճի մակարդակն անցած տարվա համեմատ ցածր է 11 սմ-ով

Սևանա լճի մակարդակն անցած տարվա համեմատ ցածր է 11 սմ-ով

Սևանա լճի մակարդակը հունվարի 15-21-ն ընկած ժամանակահատվածում մնացել է անփոփոխ և հունվարի 21-ին կազմել է 1900.15 մ (21.01.24թ.), որն անցյալ տարվա նույն օրվա մակարդակից ցածր է 11սմ-ով, իսկ 2024 թվականի հունվարի 1-ի մակարդակից՝ 2 սմ-ով։ Այս մասին տեղեկացնում են Հիդրոօդերևութաբանության և մոնիթորինգի կենտրոնից:

2023 թվականի ընթացքում Սևանա լճից ոռոգման նպատակով ջրառը սկսվել է իրականացվել մայիսի 14-ից և շարունակվել է մինչև սեպտեմբերի 14-ը ներառյալ, և համաձայն Գեղամավան դիտակետի տվյալների այդ ժամանակահատվածում իրականացված ընդհանուր ջրառի ծավալը կազմել է 228․234 մլն խմ:

Արփա-Սևան ջրատարով հունվարի 15-21-ն ընկած ժամանակահատվածում Սևանա լիճ տեղափոխված ջրի քանակը կազմել է 1.506 մլն խմ, իսկ 2024 թվականի հունվարի 1-ից հունվարի 21-ը ներառյալ՝ 4.478 մլն խմ: