Գագիկ Խաչատրյանը ներկա չի լինի իրեն կալանավորելու միջնորդության վերաբերյալ որոշման հրապարակմանը. նա շտապօգնությամբ տեղափոխվեց ԲԿ

ՊԵԿ նախկին նախագահ Գագիկ Խաչատրյանի խափանման միջոցի հարցի քննարկումն ավարտվեց։ Երևանի ընդհանուր իրավասության քրեական դատարանը՝ դատավոր Արթուր Մկրտչյանի նախագահությամբ, հեռացել է առանձին սենյակ՝ դատախազի միջնորդության վերաբերյալ որոշում կայացնելու։

Դատարանի որոշման հրապարակմանը Գագիկ Խաչատրյանը ներկա չի լինի՝ պայմանավորված առողջական վիճակով, նա կտեղափոխվի «Աստղիկ» ԲԿ։ Ի դեպ, այսօրվա նիստին դատարանում էր նաև շտապօգնության բրիգադը, որն ընդմիջման ժամանակ Խաչատրյանին դեղամիջոց է ներարկել։

Հիշեցնենք, որ Գագիկ Խաչատրյանը և Կարեն Խաչատրյանը մեղադրվում են պետական գործունեության ընթացքում թույլ տված ենթադրյալ պաշտոնեական դիրքի չարաշահման, գույքի վատնման և պաշտոնեական կեղծիքի համար։