03 05 2024
|
||
---|---|---|
EUR | ⚊ | 416.1 |
GBP | ⚊ | 486.4 |
GEL | ⚊ | 144.64 |
RUB | ⚊ | 4.23 |
USD | ⚊ | 387.32 |
Ադրբեջանի ԱԳՆ-ն քննադատել է ԵՄ արտաքին հարաբերությունների և անվտանգության քաղաքականության հարցերով գերագույն հանձնակատար Ժոզեպ Բորելի հայտարարությունները հայ-ադրբեջանական սահմանին տիրող իրավիճակի վերաբերյալ, որոնք նա արել է Բրյուսելում ԵՄ-Հայաստան Գործընկերության խորհրդի հինգերորդ նիստից հետո կայացած մամուլի ասուլիսում, փոխանցում է ТАСС-ը։
«Մենք դատապարտում և մերժում ենք ԵՄ բարձր ներկայացուցիչ Ջոզեպ Բորելի անհիմն մեղադրանքները Ադրբեջանի հասցեին, որոնք հնչել են փետրվարի 13-ին Հայաստանի ԱԳ նախարար Արարատ Միրզոյանի հետ համատեղ ասուլիսում»,- ասվում է ԱԳՆ մեկնաբանության մեջ։
«Չնայած Եվրախորհրդի ղեկավար Շառլ Միշելի խաղաղ նախաձեռնություններին, ԵՄ արտաքին գործերի և անվտանգության քաղաքականության հարցերով գերագույն ներկայացուցիչը միակողմանի հայանպաստ դիրքորոշում է որդեգրել՝ դրանով իսկ անդունդ ստեղծելով Ադրբեջանի և Եվրամիության ինստիտուտների միջև, և, ի վերջո, ամբողջովին մեկուսացնում է իրեն Ադրբեջանի և Հայաստանի միջև հարաբերությունների կարգավորման գործընթացից»,- ասված է հայտարարության մեջ: