Նեթանյահուն հայտարարել է Գազայի հատվածը ապառազմականացնելու իր մտադրության մասին

Իսրայելի վարչապետ Բենիամին Նեթանյահուն հայտարարել է, որ վերականգնված և ապառազմականացված Գազայի հատվածում արմատականների համար տեղ չպետք է լինի, փոխանցում է «Իզվեստիա»-ն։

«Ինձ թվում է պարզ է, թե ինչպիսին պետք է լինի Գազայի ապագան։ Այս ճակատամարտի վերջում ՀԱՄԱՍ-ը կվերանա, մենք կկործանենք ՀԱՄԱՍ-ը ոչ միայն հանուն մեզ, այլ նաև հանուն քաղաքակրթության, պաղեստինցիների և իսրայելցիների։ Մենք ցանկանում ենք տեսնել Գազան ապառազմականացված, արմատական ​​տարրերից մաքրված և վերակառուցված», - ասել է նա Fox News-ին տված հարցազրույցում:

Ինչպես նշել է Նեթանյահուն, Իսրայելը չի ձգտում ո՛չ գրավել, ո՛չ օկուպացնել Գազայի հատվածը, ո՛չ էլ կառավարել այն, սակայն որոշ ժամանակ անց Իսրայելին անհրաժեշտ կլինեն «հուսալի ուժեր», որոնք անհրաժեշտության դեպքում կմտնեն Գազա և կկանխեն ՀԱՄԱՍ-ի վերածնունդը։