Տիգրանակերտի հայերը տոնել են Վարդավառը

Հայ Առաքելական եկեղեցու 5 տաղավար տոներից մեկը՝ Վարդավառը, նշվել է նաև Դիարբեքիրում (Տիգրանակերտում)։ Այստեղի Սուրբ Կիրակոս հայկական եկեղեցում մատուցված պատարագի արարողությունից հետո հայ համայնքի անդամները թրջել են միմյանց։

Այս մասին, Akunq.net-ի փոխանցմամբ, հայտնում է Tigrishaber.com լրատվակայքը։

Պատարագին մասնակցած Դարա Գյունալը «Տիգրիսհաբեր»-ի թղթակցի հետ զրույցում մասնավորապես ասել է․ «Այսօր նշվում է հայկական օրացույցում ներառված տոներից մեկը՝ Վարդավառը։ Հայաստանում այս տոնի ժամանակ չթրջված մեկ հոգի իսկ անհնար է գտնել։ Մենք էլ այսօր տոնը վայելում ենք այստեղ։ Այսօրվա տոնը թող բարիք բերի բոլորիս։ Շնորհավո՜ր Վարդավառ»։  

https://www.tigrishaber.com/video-diyarbakirli-ermeniler-vartavar-bayramini-kutladi-88441h.htm

Թարգմանեց Մելինե Անումյանը

Akunq.net