Լավրովը խոսել է Թուրքիայի նոր ԱԳ նախարար Ֆիդանի հետ

Ռուսաստանի արտաքին գործերի նախարար Սերգեյ Լավրովը հեռախոսազրույց է ունեցել Թուրքիայի արտաքին քաղաքական գերատեսչության նոր ղեկավար Հաքան Ֆիդանի հետ, Կողմերը հաստատել են համագործակցությունը շարունակելու տրամադրվածությունը և քննարկել առաջիկա երկկողմ շփումների ժամանակացույցը, ասվում է ՌԴ ԱԳՆ հաղորդագրության մեջ:

«Կարծիքներ են փոխանակվել ռուս-թուրքական համագործակցության առանցքային հարցերի շուրջ, ներառյալ առեւտրատնտեսական համագործակցության միջկառավարական հանձնաժողովի գործունեությունը՝ շեշտը դնելով էներգետիկայի ոլորտում խոշոր նախագծերի վրա։ Քննարկվել է առաջիկա երկկողմ շփումների ժամանակացույցը։ Անդրադարձ է կատարվել միջազգային և տարածաշրջանային հրատապ խնդիրներին», - ասված է Լավրովի և Ֆիդանի հեռախոսազրույցի մասին ՌԴ ԱԳՆ հաղորդագրության մեջ:

«Երկուստեք հաստատվել է երկու երկրների արտաքին քաղաքական գերատեսչությունների գծով կառուցողական փոխգործակցությունը շարունակելու պատրաստակամությունը», - ընդգծել են ՌԴ ԱԳՆ-ում: