կարևոր
3130 դիտում, 10 ամիս առաջ - 2023-05-20 09:27
Հասարակություն

Հայկական գրությամբ տապանաքարերի մասունքներ են հայտնաբերվել, որոնք օգտագործվել են որպես դպրոցի աստիճան

Հայկական գրությամբ տապանաքարերի մասունքներ են հայտնաբերվել, որոնք  օգտագործվել են որպես դպրոցի աստիճան

Թբիլիսիի Մթածմինդա թաղամասի Ռիցա փողոցի համար 10-ում գտնվող, նախկին թիվ 44 հանրային դպրոցի տարածքում, անցկացվող ռեաբիլիտացիոն աշխատանքների ընթացքում հայտնաբերվել են հայկական գրությամբ տապանաքարերի մասունքներ, որոնք օգտագործվել են որպես դպրոցի աստիճան: Որոշ քարերի վրա գրությունները լավ պահպանված են: Հասարակական գործիչ Լևոն Չիդիլյանը, որը մի քանի օր տեղում ուսումնասիրել է գտնված մասունքները, կարծում է, որ այդ տապանաքարերը 1930-ականներին կոմունիստական «Կարմիր տեռորի» ժամանակ ոչնչացված Թիֆլիսի գլխավոր հայկական «Խոջիվանք»-ի գերեզմանոցի տապանաքարերն են, որոնք օգտագործվել են, որպես շինանյութ: