Արցախում միայն երկխոսություն պիտի լինի․ մյուս զարգացումները Նիկոլի ու Ալիևի սցենարով են լինելու․ Նաիրի Հոխիկյան

Մեդիափորձագետ Նաիրի Հոխիկյանը գրում է.

«Սամվել Բաբայանի կազմակերպած հանրահավաքին Ստեփանակերտում մասնակցում է 1500-2000 մարդ։ Սամվել Բաբայանն այդ թվից ակնհայտորեն նյարդայնացած է։

Սիրելի Արցախցիներ, մարդիկ, ովքեր իրենց ցանկությամբ են մասնակցում հանրահավաքին, խնդրում եմ, չտրվեք սադրանքների և որևէ բախման չգնաք։ Բաբայանն ասում է՝ եթե նախագահը համաձայնություն չտա, ապա ինքը կազմակերպելու է կառավարության բոլոր գերատեսչություններով անցնելու քայլերթ-պահանջ։ Դա կարող է ոստիկանության հետ բախումների բերել, ինչից կօգտվի թշնամին։ Որևէ պարագայում չի կարելի գնալ բախումների։

Դիմում եմ Արցախի նախագահ Արայիկ Հարությունյանին։ 1500-2000 մարդն էլ է Արցախի պահանջատեր, հետևաբար նախագահը պատասխանատու է նաև նրանց համար։ Ճիշտ կլինի, եթե նախագահը դուրս գա հանրահավաքին և Արթուր Թովմասյանի նման ելույթ ունենա։

Արցախում միայն երկխոսություն պիտի լինի։ Մյուս զարգացումները Նիկոլի ու Ալիևի սցենարով են լինելու»։