կարևոր
4195 դիտում, 11 ամիս առաջ - 2023-04-14 00:06
Հասարակություն

44-օրյա պատերազմում զոհված զինծառայողների ծնողները 24-ժամյա նստացույց են հայտարարել ՔԿ դիմաց

44-օրյա պատերազմում զոհված զինծառայողների ծնողները 24-ժամյա նստացույց են հայտարարել ՔԿ դիմաց

Ոստիկանական մեծ ուժեր են բերվել ՀՀ Քննչական կոմիտեի դիմաց, որտեղ 44-օրյա պատերազմում զոհված զինծառայողների ծնողները 24-ժամյա նստացույց են հայտարարել:

Նրանք պահանջում են անհապաղ պատասխանատվության ենթարկել այն 12 ոստիկաններին, որոնք «Եռաբլուրում» սեպտեմբերի 21-ին փաստացի մարմնական վնասվածքներ են հասցրել զոհված զինծառայողների ծնողներին: Նրանք բողոքում են, որ մինչ օրս որեւէ ոստիկանի մեղադրանք չի առաջադրվել:

Նախորդ տարվա սեպտեմբերի 21-ին Եռաբլուր զինվորական պանթեոնում Արցախյան երրորդ պատերազմում զոհված զինծառայողների ծնողների նկատմամբ ոստիկանության ծառայողները  բռնություն էին գործադրել։ Այս դեպքով ոստիկանների ու ծնողների միջև առերեսումներ են եղել։