02 12 2023
|
||
---|---|---|
EUR | ⚊ | 431.08 |
GBP | ⚊ | 493.7 |
GEL | ⚊ | 149.81 |
RUB | ⚊ | 4.38 |
USD | ⚊ | 402.99 |
Մեր խաղաղապահների դերը կարևոր է ինչպես բնականոն կենսագործունեության ապահովման, այնպես էլ էսկալացիայի հնարավոր փորձերը կանխելու համար։ Այս մասին լրագրողների հետ հանդիպմանը նշել է Հայաստանում Ռուսաստանի դեսպան Սերգեյ Կոպիրկինը՝ մեկնաբանելով երեկ Լաչինի միջանցքում տեղի ունեցած միջադեպը։
Նշենք՝ երեկ մի խումբ ադրբեջանցի «էկոակտիվիստներ» փորձել են խոչընդոտել Գորիսից 27 արցախցիների վերադարձն Արցախ: Մեքենաներին ուղեկցել է ՌԴ խաղաղապահների շարասյունը, որը կանգնեցվել է։ Ադրբեջանցիներն ահաբել են արցախցիներին ու 5 ժամ ստիպել մնալ այնտեղ։ Այդ ընթացքում վատացել է տեղափոխվողներից 4 արցախցի կանանց ինքնազգացողությունը, նրանցից երեքը ուշագնաց են եղել, որից հետո Շուշիից ժամանած ադրբեջանական շտապօգնության մեքենաներով նրանց տեղափոխվել են Ստեփանակերտի հիվանդանոց:
Կոպիրկինը նշել է, որ միջադեպի մանրամասներին չի տիրապետում, սակայն կարծում է, որ ռուս խաղաղապահներն անում են այն ամենը, ինչ կարող են։
«Մեր խաղաղապահների դերը կարևոր է ինչպես բնականոն կենսագործունեության ապահովման, այնպես էլ էսկալացիայի հնարավոր փորձերը կանխելու համար։ Դուք լավ գիտեք, թե ինչպես են գործում խաղաղապահները։ Այս մասին տեղեկատվությունը մշտապես հրապարակվում է: Նրանց դերի կարևորությունն ընդունում է նաև Հայաստանի ղեկավարությունը»,–ասել է Կոպիրկինը։