Չինաստանը կարող է զենք մատակարարել Ռուսաստանին. The Wall Street Journal

ԱՄՆ-ը մտադիր է հետախուզական տվյալներ հրապարակել, որը ցույց է տալիս, որ Չինաստանը դիտարկում է Ռուսաստանին զենք վաճառելու հնարավորությունը։ Այս մասին այսօր՝ փետրվարի 23-ին, հայտնում է The Wall Street Journal-ը։

Պարբերականի տվյալներով՝ հետախուզական տվյալների գաղտնազերծման եւ հրապարակման մասին որոշում դեռ չի կայացվել՝ չնայած ԱՄՆ վարչակազմի կողմից իրականացվող համապատասխան աշխատանքներին։

Ըստ The Wall Street Journal-ի՝ բանն այն է, որ Պեկինը կարող է օգնել Մոսկվային համալրել զինամթերքի զինանոցը կամ մատակարարել այն, ինչը Ռուսաստանի Դաշնությունը չի կարողացել արտադրել պատժամիջոցների պատճառով, օրինակ՝ էլեկտրոնիկա: Ընդ որում, առաջադեմ զինատեսակների մատակարարման մասին խոսք չկա։

Ավելի վաղ NBC հեռուստաընկերությանը տված հարցազրույցում ԱՄՆ պետքարտուղար Էնթոնի Բլինկենը հայտարարել էր, որ Վաշինգտոնը մտավախություն ունի, որ Չինաստանը, իբր, դիտարկում է Ռուսաստանին մահաբեր զենքի հետ կապված օգնություն փոխանցելու հնարավորությունը։

Ավելի վաղ հաղորդվել էր նաև, որ Չինաստանի Կոմունիստական ​​կուսակցության արտաքին գործերի կենտրոնական կոմիտեի գրասենյակի ղեկավար Վան Ին Մյունխենում ոչ պաշտոնական զրույցի ժամանակ եվրոպական դիվանագիտության ղեկավար Ժոզեպ Բորելին հարցրել է, թե ինչու իր երկիրը չպետք է զենք մատակարարի Ռուսաստանին, եթե ԵՄ-ն այն մատակարարում է այն Ուկրաինային: