կարևոր
3370 դիտում, 1 տարի առաջ - 2023-02-21 18:53
Քաղաքական

ԵՄ առաքելությունը կնպաստի Հայաստանի սահմանամերձ գոտիներում կայունությանը. Շվեդիայի դեսպանություն

ԵՄ առաքելությունը կնպաստի Հայաստանի սահմանամերձ գոտիներում կայունությանը. Շվեդիայի դեսպանություն

Մեկնարկել է Եվրոպական միության քաղաքացիական առաքելությունը՝ նպաստելու սահմանամերձ գոտիների կայունությանը։ Այս մասին հաղորդագրություն է տարածել Հայաստանում Շվեդիայի դեսպանությունը:

Հաղորդագրությունում նաեւ ասվում է. «Երեկ դեսպան Պատրիկ Սվենսոնը մասնակցել է Հայաստանում Եվրոպական միության առաքելության մեկնարկին (#EUMA), որը ընդհանուր անվտանգության և պաշտպանության քաղաքականության շրջանակում գործող քաղաքացիական առաքելության է։ Այն հայ-ադրբեջանական սահմանի երկայնքով անվտանգության իրավիճակը դիտարկելու և դրա մասին զեկուցելու նպատակ ունի:

Առաքելությունը կնպաստի Հայաստանի սահմանամերձ գոտիներում կայունությանը, վստահություն կառուցմանը և հակամարտությունից տուժած տարածքներում մարդկային անվտանգությանը՝ ապահովելով այնպիսի միջավայր, որը կաջակցի Հայաստանի և Ադրբեջանի միջև հարաբերությունների կարգավորման ուղղությամբ ԵՄ աջակցությամբ գործադրվող ջանքերին։

ԵՄ առաքելության բացառապես քաղաքացիական անձնակազմը բաղկացած կլինի մոտավորապես 100 անձից, այդ թվում՝ շուրջ 50 անզեն դիտորդներ: Առաքելության օպերատիվ շտաբը կլինի Վայոց Ձորի մարզի Եղեգնաձոր քաղաքում։

Ուրախ ենք, որ տեղում դիտորդներ ունենալով, Շվեդիան ևս մասնակցում է այս առաքելությանը։