կարևոր
3061 դիտում, 1 տարի առաջ - 2022-12-05 18:07
Հասարակություն

Ադրբեջանն ու Թուրքիան ակտիվացրել են «միջանցքի» պարտադրմանը միտված քայլերը․ արաբագետ

Ադրբեջանն ու Թուրքիան ակտիվացրել են «միջանցքի» պարտադրմանը միտված քայլերը․ արաբագետ

Բաքվի վարչակարգի կողմից դեկտեմբերի 3-ին Գորիս-Ստեփանակերտ ճանապարհի արգելափակման սադրանքը, Ադրբեջան-Իրան սահմանին մեկնարկած թուրք-ադրբեջանական զորավարժությունները, Ադրբեջան-Ռուսաստան բարձր մակարդակի ակտիվ բանակցությունները պետք է դիտարկել մեկ ընդհանուր հարթությունում։ 

Այն ուղիղ կերպով վերաբերվում է «Զանգեզուրի միջանցք» ադրբեջանաթուրքական ծրագրի իրականացմանը և դրա հետ կապված «խոչընդոտների» հարթմանը։

Ընդ որում, «միջանցքի ծրագրի» հետ առնչվող դերակատարներից յուրաքանչյուրին թյուրքերը համապատասխան ուղերձ են հղում.

1.Հայկական կողմերին՝ Լաչինի միջանցքի փակման և Արցախի շրջափակման սպառնալիք։

2. Իրանին՝ համաթյուրքական ծրագրերի իրականացմանը խոչընդոտելու դեպքում թուրք-ադրբեջանական համատեղ պատասխան։

3.Ռուսաստանին՝ «միջանցքի» հայկական հատվածում Մոսկվայի կարևոր դերակատարում, բացի այդ՝ նաև Ռուսաստանի շահերից բխող բազմաշերտ համագործակցության տարբեր հնարավորություններ՝ հատկապես աշխարհաքաղաքական բարդ իրողությունների պայմաններում։

Արմեն Պետրոսյան

Արաբագետ