կարևոր
2815 դիտում, 1 տարի առաջ - 2022-11-02 17:20
Աշխարհ

Հացահատիկային միջանցքով փոխադրումները կշարունակվեն նախկինի պես․ Էրդողան

Հացահատիկային միջանցքով փոխադրումները կշարունակվեն նախկինի պես․ Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ այսօր ժամը 12-ից սկսած ուկրաինական հացահատիկի փոխադրումները Սև ծովով կշարունակվեն նույն կերպ, ինչպես նախկինում։

Էրդողանն այսօր իշխող «Արդարություն և զարգացում» կուսակցության (ԱԶԿ-AKP) խորհրդարանական խմբակցության նիստին ունեցած ելույթի ժամանակ մասնավորապես ասել է.

«Երեկ հեռախոսազրույց ունեցա նախագահ Պուտինի հետ, այսօր Զելենսկու հետ եմ խոսելու։ Պարոն Շոյգուն այսօր զանգահարել է ու տեղեկացրել, որ ժամը 12-ից սկսած, հացահատիկի փոխադրումները նախկինի պես կշարունակվեն»։ 

Շարունակելով Էրդողանն ասել է, որ նախագահ Պուտինի խնդրանքով հացահատիկի փոխադրումներում առաջնահերթություն է տրվելու աֆրիկյան աղքատ երկրների, ինչպիսիք են Սուդանն ու Ջիբութին։