ՀԱՊԿ-ն առանցքային դերակատարում ունի իր պատասխանատվության գոտում անվտանգության ու կայունության պահպանության գործում․ Զախարովա

ՀԱՊԿ-ն առանցքային դերակատարում ունի իր պատասխանատվության գոտում անվտանգության ու կայունության պահպանության գործում, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ ճեպազրույցի ժամանակ։

«Այսօրվա դրությամբ ՀԱՊԿ-ը առանցքային դերակատարում ունի կայունության ու անվտանգության պահպանման գործում՝ իր պատասխանատվության գոտում, որն ընդգրկում է Կազմակերպության կազմում գտնվող երկրների տարածքները»,- ասել է Զախարովան։

Նրա խոսքով՝ պատմական չափանիշներով համեմատաբար կարճ ժամանակահատվածում ՀԱՊԿ-ն «արժանի ճանապարհ» է անցել։

«Անդամ պետությունների համատեղ ջանքերի շնորհիվ՝ այն արդյունավետ գործող կառույց է՝ համաշխարհային ասպարեզում անվտանգության և համատեղ շահերի առաջմղման հետ կապված հարցերի համատեղ լուծման համար»,- հավելել է Զախարովան։

ՀԱՊԿ-ի արդյունավետ կենսագործունեության վառ վկայությունը, ՌԴ ԱԳՆ ներկայացուցչի խոսքով, Ղազախստանում հունվարին տեղի ունեցած իրադարձություններին Կազմակերպության խաղաղարարների գործողություններն էին։

«ՀԱՊԿ-ի հասունության վառ վկայությունը հունվարին, Ղազախստանի Հանրապետության խնդրանքով, երկրում իրավիճակը կայունացնելուն ուղղված համակարգված գործողություններն էին՝ իրականացված Կազմակերպության խաղաղապահների կողմից»,- ասել է Զախարովան։