կարևոր
3721 դիտում, 1 տարի առաջ - 2022-09-29 19:12
Հասարակություն

Ադրբեջանական ԶՈւ-ն հրթիռակոծել է Հայաստանից Իրան գնացող բարձավոլտ էլեկտրագծերը․ Գնել Սանոսյան

Ադրբեջանական ԶՈւ-ն հրթիռակոծել է Հայաստանից Իրան գնացող բարձավոլտ էլեկտրագծերը․ Գնել Սանոսյան

Ադրբեջանի կողմից սանձազերծած ագրեսիայի ժամանակ ադրբեջանական ԶՈւ-ն հրթիռակոծել է նաև Հայաստանից Իրան գնացող բարձավոլտ էլեկտրական գծերը: Այս մասին Գեղարքունիքի մարզում ՀՀ-ում հավատարմագրված դիվանագետների հետ հանդիպման ընթացքում ասաց Գնել Սանոսյանը։

«Սկզբից կարող է թվալ, որ այն պատահաբար է հրթիռակոծվել, սակայն 12 ժամ մեր մասնագետներին թույլ չեն տվել մոտենալ այդ էլեկտրագծերին ու դրանք վերականգնել։ Ամեն անգամ, երբ փորձում էին վերականգնել էլեկտրագծերը, մեր մասնագետները կրակահերթի տակ էին հայտնվում և վերադառնում։ Ավելցուկ հոսանք ունենալու պատճառով ստիպված եղանք ատոմակայանի հզորությունն իջեցնել և այն, ինչպես նաև Երևանի ՋԷԿ-ն ու մի շարք այլ էլեկտրակայաններ, կիսով չափ աշխատեցնել»,- ասել է Սանոսյանը։

Նրա խոսքով` սա ակնհայտ վկայում է, որ Ադրբեջանի կողմից հստակ թիրախավորվել են քաղաքացիական ենթակառուցվածքները։