Թուրքիան ցանկանում է վերականգնել Խարկովի մարզը

Թուրքիան պատերազմից հետո հետաքրքրություն է ցուցաբերել Խարկովի և Խարկովի շրջանի վերականգնման հարցում։ Այս մասին հայտարարել է Խարկովի շրջանային ռազմական վարչակազմի ղեկավար Օլեգ Սինեգուբովը։

Նա նշել է, որ կան մի քանի առաջարկներ այնպիսի երկրներից, որոնք ցանկանում են վերականգնել Խարկովի մարզը։

«Նախագահի աշխատակազմի հետ բանակցություններ են ընթանում: Ես մասնակցել եմ նման մի քանի հանդիպումների։ Մասնավորապես` Թուրքիան շահագրգռված էր հովանավորչություն ստանձնել Խարկով քաղաքի և Խարկովի շրջանի վերականգնման հարցում։ Ես գիտեմ, որ կան մի քանի առաջարկներ, բայց դա կորոշի նախագահի աշխատակազմը՝ միջազգային քաղաքականության մակարդակով»,- ասել է Սինեգուբովը։