Նրանք, ովքեր ասում էին՝ ո՞ւր ա զորքը, հեն ա՝ այստեղ է՝ իշխանությունը բերել է հավաք ցրելու. Տիգրան Աբրահամյան

Փաշինյանի քմահաճույքների շրջանակներում խաղաղ անհնազանդության ակցիայի մասնակիցներին փորձում են բերման ենթարկել։ Այս մասին Facebook-ի իր էջում գրել է ԱԺ «Պատիվ ունեմ» խմբակցության անդամ Տիգրան Աբրահամյանը:

Նա նաեւ հավելել է. «Ոստիկանների ներկայացուցիչը գոռաց՝ «զորքը բերեք»։

Նրանք, ովքեր ասում էին ո՞ւր ա զորքը, հեն ա այստեղ է՝ իշխանությունը բերել է հավաք ցրելու»:

Նշենք, որ «Դիմադրություն» շարժումը  վաղ առավոտից վերսկսել է անհնազանդության ակցիաները՝ Նիկոլ Փաշինյանի հրաժարականի պահանջով։  Երևանի տարբեր հատվածներում նրանք փողոցներ են փակել,  փակ է Մաշտոցի պողոտայից դեպի օդանավակայան տանող ճանապարհը։ Ոստիկանությունը փորձում է վերականգնել երթևեկությունը։ Կան բազմաթիվ բերման ենթարկվածներ։