Զուրաբիշվիլին հայտարարել է Հայաստանից եկող սպառնալիքի և Բաքվից ու Անկարայից Վրաստանի կախվածության մասին

Վրաստանի էներգետիկ կախվածությունը Ռուսաստանից բավականին ցածր է, քանի որ նավթագազային ոլորտում մենք հիմնականում կախված ենք Ադրբեջանից, իսկ էլեկտրաէներգիայի ոլորտում՝ Թուրքիայից։ Այս մասին հայտարարել է Վրաստանի նախագահ Սալոմե Զուրաբիշվիլին։

Նա նշել է, որ Թբիլիսին ի վիճակի է որոշակի դիմադրություն ցույց տալ Մոսկվային, սակայն «Ռուսաստանը սահմանամերձ պետություն է, ունի շատ նշանակալի ռազմակայաններ հարավային մասում, մեծ բազաներ՝ օկուպացված տարածքներում, Հայաստանի տարածքում»։

«Մենք շրջապատված ենք, բայց Վրաստանը կարող է որոշակի դիմադրություն ցույց տալ, քանի որ մենք 26 դար գտնվում ենք այս ռազմավարական տարածաշրջանում։ Մեզ նվաճեցին գրեթե բոլոր հասանելի կայսրությունները։ Ռուսաստանը երկու դարում չորս անգամ օկուպացրել է Վրաստանը»,- ասել է նա ֆրանսիական Paris Match հրատարակությանը տված հարցազրույցում։