Ռումինիայի նախագահը հավանություն է տվել Stryker գումարտակի եւ ԱՄՆ կործանիչների՝ երկիր մուտքին

Ռումինիայի նախագահը հավանություն է տվել Stryker գումարտակի եւ ԱՄՆ կործանիչների՝ երկիր մուտքին, հաղորդում է Stiri pe surse պորտալը։

Ինչպես նշում է պորտալը, բացի Stryker գումարտակից, երկիր կմտնի նաեւ ամերիկյան F-35 կործանիչ-ռմբակոծիչների ջոկատը, որը կօգտագործվի Հյուսիսատլանտյան դաշինքի հակաօդային պաշտպանության կարողությունների ամրապնդման համար։

Նշվում է, որ Ռումինիան որոշել է միջոցներ ձեռնարկել իր պաշտպանունակությունն ուժեղացնելու համար՝ կապված լարվածության աճի եւ Ուկրաինայի մերձակայքում եւ Սեւծովյան տարածաշրջանում ռուսական ռազմական ներկայության ուժեղացման հետ։

Ըստ Յոհանիսի՝ Դաշինքի կողմից տարածաշրջանում անվտանգության իրավիճակի վերլուծությունից հետո որոշում է կայացվել տեղակայվել Սեւ ծովում՝ զգոնության բարձրացման առաջադրանքեր իրականացնելու համար։