Ռուսաստանը հաղթանակ կհամարի Դոնբասի և մասամբ հարավային Ուկրաինայի գրավումը. Զելենսկիի գրասենյակ

Առաջիկա օրերին Ռուսաստանը կարող է հայտարարել, որ Դոնբասի և հարավի մի մասի գրավումը իր հաղթանակն Ուկրաինայի դեմ պատերազմում. РБК-Украина-ին ասել է Ուկրաինայի նախագահի աշխատակազմի ղեկավարի խորհրդական Ալեքսեյ Արեստովիչը։

Նրա խոսքով՝ Ուկրաինայի դեմ պատերազմում Ռուսաստանի քաղաքական նպատակները չեն փոխվում։ «Կարծում եմ՝ նրանք պայմանավորվել են, որ այս պատերազմում հաղթանակ կարելի է համարել մուտքը դեպի Դոնեցկի, Լուգանսկի և Խերսոնի շրջանների վարչական սահմաններ, և մասամբ, միգուցե, Զապորոժիե»,- ասել է Արեստովիչը։

Նա նաև ընդգծել է, որ դա կարող է նշանակել ինչ-որ «Տավրիչեսկի նահանգի» հռչակում և տարածքների փաստացի միացում՝ ռուսական ռուբլիով, ռուսական բյուջեից վճարումներով և այլն։