Անկարան վերահաստատում է ՌԴ-ից Ս-400-ների հերթական խմբաքանակ գնելու մտադրությունը

Թուրքիան դեռ դիտարկում է Ռուսաստանից Ս-400 զենիթահրթիռային համակարգերի երկրորդ գնդի ձեռք բերման հնարավորությունը. ըստ ՏԱՍՍ-ի՝ հայտնել է հանրապետության պաշտպանական արդյունաբերության վարչության պետ Իսմայիլ Դեմիրը։

«Ս-400 երկրորդ գնդի գնման մասին խոսակցությունները, որոնք նախատեսված էին Ռուսաստանի հետ համաձայնագրի ստորագրումից ի վեր, շարունակվում են։ Մենք պայմանագիր ենք կնքել  Ս-400-ի երկու գնդի մատակարարման համար։ Թուրքիան հենց սկզբից համաձայնել է դրան»,- ասել է նա՝ հույս հայտնելով, որ Ուկրաինայում ստեղծված իրավիճակը չի ազդի ռազմարդյունաբերական համալիրում Անկարայի և Մոսկվայի համագործակցության վրա։