Պատեհ չի․ ինչո՞ւ Փաշինյանը չի բամբասել ռուս խաղաղապահներից

ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպման ժամանակ քննարկվել է նաև Արցախի Փառուխ գյուղում ստեղծված իրավիճակը, սակայն այդ քննարկումները չեն հանգեցրել իրավիճակի միասնական գնահատականի․ կառավարության նիստում հայտնեց Նիկոլ Փաշինյանը` անդրադառնալով երեկ Բրյուսելում Ալիևի հետ կայացած հանդիպմանը։

«Երեկ ԼՂ-ում անվտանգային միջավայրի վատթարացման մասին քննարկում գնաց։ Կոնկրետ Փառուխի թեմայի հետագա քննարկումն ինքս պատեհ չհամարեցի բրյուսելյան հարթակում, քանի որ խոսքը ԼՂ-ում ՌԴ խաղաղապահ առաքելության պատասխանատվության գոտի ադրբեջանական ստորաբաժանումների ներխուժման մասին է։ Այս հարցն ավելի շատ պետք է քննարկվի ՌԴ գործընկերների մասնակցությամբ, ինչն անում ենք»,– ասաց Փաշինյանը։