Ռուսաստանի դեմ ԱՄՆ-ի պատժամիջոցները խզման եզրին են դնում հարաբերությունները. Սլուցկի

Պետդումայի միջազգային հարցերով կոմիտեի ղեկավար Լեոնիդ Սլուցկին հայտարարել է, որ մշտական հակառուսական պատժամիջոցները Ռուսաստանի եւ ԱՄՆ-ի հարաբերությունների լիակատար խզման եզրին են կանգնեցնում:

«ԱՄՆ-ն ամբողջ Պետական դումայի դեմ պատժամիջոցներ է սահմանում ավելի շուտ անզորությունից եւ հիստերիայից։ Պատժամիջոցների գործիքակազմը գրեթե սպառված է, բայց իր նպատակին Վաշինգտոնը չի հասնում և չի հասնի», - ասել է Սլուցկին լրագրողներին։

Նրա խոսքով՝ եթե ԱՄՆ – ի նախագահ Ջո Բայդենի եւ նրա շրջապատի դեմ պատժամիջոցներ են սահմանվել, ապա կոնգրեսականների դեմ պատժամիջոցները «հաստատ արդեն հարց չեն»:

«Չեմ կասկածում, որ պատասխան միջոցները համաչափ կլինեն։ Սակայն, ընդհանուր առմամբ, նորանոր հակառուսական պատժամիջոցները ՌԴ-ԱՄՆ հարաբերությունները լիակատար խզման եզրին են մոտեցնւմ», - հավելել է խորհրդարանականը։