Հալեպում կատարվածին պետք է արձագանքի միջազգային հանրությունը. Սլուցկի

Սիրիական Հալեպում կատարվածին պետք է արձագանքեն Քիմիական զենքի արգելման կազմակերպությունը և միջազգային հանրությունը: Այդ մասին հայտարարել է ՌԴ Պետդումայի միջազգային գործերով կոմիտեի նախագահ Լեոնիդ Սլուցկին.  հայտնում է РИА Новости-ն:

ՌԴ ՊՆ-ն ավելի վաղ հայտնել էր, որ գրոհայինները թունավոր նյութերով արկերով գնդակոծել են Հալեպը, 100 մարդ տուժել է:

ՌԴ ՊՆ-ում ընդգծել են, որ ավելի վաղ ռուսական կողմը ուշադրություն է դարձրել այն հանգամանքի վրա, որ «Սպիտակ սաղավարտներ» կազմակերպությունը փորձում է Իդլիբի շուրջ ապառազմականացված գոտում սադրանքի դիմել, որպեսզի այնուհետև մեղադրի կառավարական զորքերին բնակչության դեմ քիմիական զենք կիրառելու մեջ: