Ըստ Արարատ Միրզոյանի՝ ինքը Թուրքիայում ժպտացել է, որ զինվորների կյանքեր փրկի

Հետահայաց նայելով՝ ես կարծում եմ, որ մեր որոշումը՝ ԱԳ նախարարի մակարդակով մասնակցել Անթալիայի դիվանագիտական ֆորումին, ճիշտ էր․ Ազգային ժողովում հարցուպատասխանի ժամանակ ասաց ԱԳ նախարար Արարատ Միրզոյանը:

«Ինչպես այն ժամանակ, այնպես էլ հիմա ուզում եմ ասել, որ մենք վստահ ենք, որ Հայաստանն ու Թուրքիան կարող են և պետք է, որ նորմալացնեն, կարգավորեն հարաբերությունները, այսինքն՝ հարաբերություններ հաստատեն, բացեն սահմանները: Կարծում եմ, որ այս գործընթացի մեջ երկու նախարարների հանդիպումը ևս իր դրական ազդեցությունն ունեցավ: Անշուշտ, շոշափելի, կոնկրետ պայմանավորվածություն ձեռք չբերվեց, բայց երկու կողմերն էլ ևս մեկ անգամ վերահաստատեցին, որ շարունակում են երկխոսությունը, գործընթացը՝ առանց նախապայմանների»,- ասաց նա:

Ավելին՝ տեսանյութով: