Նրանց էսօր հատակից անվանեցին «միտինգ անողներ», ի՞նչ են մտածում այդ քաջերը բարձրից. դիտարկում

Երկնքում հաստատ տարակուսանք է...կարմիր դրոշներով հավերժության մեջ սավառնող քաջեր են մեկտեղվել ու հայ անմահների գնդի այդ ոսկե ջոկատի մարտիկները զարմացած մեզ են նայում։ Լիզբոն-ի 5 տղերքն են նայում` դեռ 18 տարին չբոլորած քաջերը, որոնք նույնիսկ Հայաստանում մեկ օր չապրելով` դեսպանատուն գրավեցին ու հանուն Հայ Դատի պայթեցրեցին իրենց։ Ահա մի կողմի վրա Պետոն է նայում` Ղևոնդյան հրամանատարը, Արցախի արծիվը, Բեկորն է նայում, Դրոն է նայում...որ մեկին ասես ու որ մեկին թողնես։ Նայում են վերջերս նրանց շարքերում իրենց տեղը գտած 60 քաջերը, որոնք վերջին պատերազմում ոչ մի գերի չտալով` միակ ազատագրողը եղան։ Մեկտեղվել են քաջերը, մեկտեղել են դրոշները պայքարի գույնի ու նայում են...միտինգները սովորաբար աղմկոտ են լինում, իսկ նրանք լուռ են...ինչ են մտածում նրանք, ինչ են տեսնում նրանք ու ինչ են զգում նրանք։ Նրանց էսօր այստեղից` ներքևից...հատակից, ցածրից անվանեցին միտինգ անողներ։