ԱՄՆ-ը որևէ նշան չի տեսնում, որ Պուտինը պատրաստ է կանգ առնել. Բլինքեն

ԱՄՆ-ը որևէ նշան չի տեսնում, որ Պուտինը պատրաստ է դադարեցնել և ավարտել պատերազմն Ուկրաինայում դիվանագիտական ճանապարհով։ Այս մասին հայտարարել է ԱՄՆ պետքարտուղար Էնթոնի Բլինքենը. հայտնում է Պետքարտուղարության կայքը։

«Այժմ ոչ մի նշան չեմ տեսնում, որ Պուտինը պատրաստ է կանգ առնել: Ընդհակառակը՝ եթե լսեք նրա վերջին հայտարարությունները, հուշում են, որ նա հակառակ ուղղությամբ է գնում»,- ընդգծել է նա։

Պետքարտուղարը հավելել է նաև, որ դիվանագիտությունը պահանջում է բանակցությունների համար երկու կողմերի պատասխանատու վերաբերմունք և անհապաղ լարվածության դեէսկալացիա։ Սակայն Ռուսաստանը բանակցելու տրամադրություն չունի։

Նրա խոսքով՝ Վաշինգտոնը վճռականորեն կաջակցի Կիևի ջանքերին՝ դիվանագիտական միջոցներով հասնելու դեէսկալացիայի, հրադադարի և ռուսական զորքերի դուրսբերմանը։