|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
ԱՄՆ նախագահ Դոնալդ Թրամփն իր դժգոհությունն է հայտնել Կիևին Ռուսաստանի հասցրած հարվածների առնչությամբ և ՌԴ նախագահ Վլադիմիր Պուտինին կոչ արել «կանգ առնել»։ Այս մասին Թրամփը գրառում է կատարել իր Truth Social հարթակում։
«Ես գոհ չեմ Կիևի վրա ռուսական հարվածներից։ Դա անհրաժեշտ չէր, և ժամանակը պատեհ չէր։ Վլադիմի՛ր, կանգ առ։ Շաբաթական 5000 զինվոր է մահանում։ Եկեք իրագործենք խաղաղության համաձայնագիրը», - գրել է Թրամփը։
Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։