Պաշտպանության փոխնախարարը մեղադրեց լրագրողներին, որ ՀՀ-ին վնասող հարցեր են տալիս

 Թեև դուք ասում եք, որ զինված ուժերի շտաբը չունի ղեկավար, ես կարող եմ ասել, որ ունի ղեկավար, որովհետև պարտականությունների ժամանակավոր կատարումը դրված է գեներալ-լեյտենանտ Կամո Քոչունցի վրա․ Ազգային ժողովում լրագրողների հարցերին ի պատասխան՝ ասաց պաշտպանության փոխնախարար Արման Սարգսյանը:

«Երկարամյա ծառայության փորձ ունի, ենթադրում եմ՝ 40 տարվա, և զինվորական բոլոր բարձր պաշտոններում աշխատել է, տիրապետում է բանակին: Պաշտպանության նախարարն այդ հարցին ԱԺ-ում հստակ տվեց իր գնահատականը, և վստահ եմ, որ ԳՇ-ն ղեկավար կունենա: Ես ուղղակի անընդհատ փորձում եմ բանակի հետ կապված հարցերին բերել ձեզ այն դաշտ, որ նենց հարցեր չտաք, որոնք վնաս տան մեզ, նաև՝ ձեզ: Սուրեն Պապիկյանը հանդիպման և հանդիպում է, այդ թվում՝ նաև ձեր անվտանգության համար, որովհետև դուք էլ եք ՀՀ քաղաքացի»,- ասաց նա: