ՀՀ ԱԳ նախարարն ու ՌԴ պաշտպանության փոխնախարարը ռազմական համագործակցության վերաբերյալ հարցեր են քննարկել

Հայաստանի արտաքին գործերի նախարար Զոհրաբ Մնացականյանն ընդունեց Ռուսաստանի Դաշնության պաշտպանության նախարարի տեղակալ, գեներալ-գնդապետ Ալեքսանդր Ֆոմինի գլխավորած պատվիրակությանը։

Զոհրաբ Մնացականյանը և Ալեքսանդր Ֆոմինը քննարկեցին ռազմական ոլորտում համագործակցության խորացման հեռանկարներին առնչվող հարցեր։ Երկուստեք գոհունակությամբ արձանագրվեց երկկողմ ամուր իրավապայմանագրային դաշտի առկայությունը։ Զրուցակիցներն ընդգծեցին Հայաստանի և Ռուսաստանի միջև արդյունավետ ռազմական, ռազմատեխնիկական համագործակցության փորձը և զինված ուժերի համադրելիության բարձր մակարդակը։

Նախարար Մնացականյանը նշեց, որ Գյումրիում տեղակայված 102-րդ ռուսաստանյան ռազմակայանը տվյալ ոլորտում համագործակցության դրական և կարևոր օրինակներից մեկն է։