Ուկրաինան Ռուսաստանի դեմ հայց է ներկայացրել Հաագայի Արդարադատության միջազգային դատարան

Ուկրաինան պաշտոնապես հայց է ներկայացրել Ռուսաստանի դեմ ՄԱԿ-ի Արդարադատության միջազգային դատարան։ Այս մասին թվիթերյան իր գտահաշվում գրել է Ուկրաինայի նախագահ Վլադիմիր Զելենսկին, հայտնում է ՏԱՍՍ գործակալությունը:

Ուկրաինայի նախագահը պահանջել է գործի քննությունը իրականացնել հաջորդ շաբաթ։

«Ուկրաինան պաշտոնապես հայց է ներկայացրել ընդդեմ Ռուսաստանի Դաշնության Հաագայի Արդարադատության միջազգային դատարան: Մենք պահանջում ենք, որ Ռուսաստանը պատասխանատվության ենթարկվի ցեղասպանություն հասկացությունը խեղաթյուրելու համար: Մենք խնդրում ենք դատարանին անհապաղ կարգադրել Ռուսաստանի Դաշնությանը դադարեցնել ռազմական գործողություններ, խնդրում ենք՝ լսումներ նշանակեք հաջորդ շաբաթ»,- գրել է Զելենսկին: