ՏԵՍԱՆՅՈՒԹ. Մենք պետք է պատերազմի բոլոր հերոսներին փառաբանենք. «Խոնարհ հերոսներ» ֆիլմաշարի ռեժիսոր

Մենք պետք է պատերազմի բոլոր հերոսներին փառաբանենք եւ մեր ոգեւորությունը փոխանցենք ժողովրդին, որովհետեւ հիմա շատ կարեւոր է հոգեւոր դաստիարակությունը՝ ոտքի կանգնելու համար. Yerkir.am-ի հաղորդմամբ` ասաց  «Խոնարհ հերոսներ» ֆիլմաշարի ռեժիսոր Սամվել Թադեւոսյանը՝ խոսելով այս շարքի մեջ տեղ գտած` ՀՅԴ մարտիկ, 2020 թ․ Արցախյան ազատամարտի նահատակ, ավագ լեյտենանտ Հակոբ Ռոստոմյանին  նվիրված «ՌՈՍՏ» ֆիլմի մասին:

«ՌՈՍՏ»-ը «Խոնարհ հերոսներ» ֆիլմաշարի 30-րդ ֆիլմն է: Սամվել Թադեւոսյանը շեշտում է՝ Հակոբ Ռոստոմյանը նվիրյալ մարտիկ է եղել, միայն հինգ տարի Մարտակերտի դիրքերում է ծառայել, իսկ պատերազմը սկսվելուն պես վերադարձել է ճակատ:

«Երբ ծառայությունն ավարտեց ու վերադարձավ, սկսվեց 2020թ. սեպտեմբերյան պատերազմը, նա թողեց ամեն ինչ եւ կրկին մեկնեց ճակատ ու հերոսաբար նահատակվեց: Ես կարծում եմ, որ Ռոստին նվիրված այս ֆիլմն իր խորհուրդն ունի եւ իր ճանապարհը պիտի անցնի, որովհետեւ  մենք այստեղ հանդիպեցինք բացառիկ մի սխրանքի, որն ուղղակի դիմահար գնդացիրով նույնիսկ օդում թռչող «Բայրաքթար»-ին է վայր գցում»,- մեկնաբանեց ռեժիսորը:

Մանրամասն՝ տեսանյութում

Լ.Ս.

Տե՛ս նաեւ՝ 

ՈւՂԻՂ. Տեղի է ունենում ՀՅԴ մարտիկ, 2020 թ․ Արցախյան ազատամարտի նահատակ, ավագ լեյտենանտ ՀԱԿՈԲ ՌՈՍՏՈՄՅԱՆԻՆ նվիրված «ՌՈՍՏ» ֆիլմի պրեմիերան