Պետք է ամեն կերպ օգնել, որպեսզի մեր երեխաները ոչ թե դառնան նահատակված հերոսներ, այլ կենդանի հերոսներ. Արտակ Հովհաննիսյան

Հայկական միասնական տեղեկատվական կենտրոնում տեղի ունեցած ճեպազրույցի ժամանակ Արիության մեդալով հետմահու պարգևատրված Ալբերտ Հովհաննիսյանի հայրը` Արտակ Հովհաննիսյանը կոչ արեց բոլորին, աշխարհասփյուռ հայությանը կանգնել բանակի և երկրի կողքին:

«Պետք է ամեն կերպ օգնել, որպեսզի մեր երեխաները ոչ թե դառնան նահատակված հերոսներ, այլ կենդանի հերոսներ: Իմ կոչը նրանում է, որ կարող մարդիկ ինչ-որ կերպ, ինչ-որ աջակցությամբ օգնեն մեր բանակին, մեր երկրին, հիմնադրամին: Մի բան էլ կցանկանայի ասել` բարձր ձայնով հայրենասիրական երաժշտություններ լսելով, կամ քաղաքում պտտվելով, մենք չենք օգնում, ոգևորում մեր զինվորներին: Բոլորս պարտավոր ենք իրենց կողքին լինել, և պետք է լինենք»,- նշեց նա: