Մեր քաղաքացիները պետք է իմանան, որ ՀՀ իշխանությունը նախապատրաստում է 1915-ի կրկնություն. Անդրանիկ Թևանյան

Այսօր մենք ականատես եղանք մի ամոթալի և խայտառակ իրադարձության իշխող ուժի կողմից: Նույնիսկ ես չէի պատկերացնում, որ այսքան ակնհայտ թուրքամետ քաղաքականությունը ողջունվի իշխանության կողմից, ես չէի պատկերացնի․ լրագրողների հետ զրույցում ասաց «Հայաստան» խմբակցության պատգամավոր Անդրանիկ Թևանյանը:

«Սա, այսպես կոչված, խաղաղասիրական դրսևորում էր, որը բերելու է նոր ավերածությունների և նոր ողբերգության։ Մեր քաղաքացիները պետք է իմանան, որ 1915 թվականի կրկնությունը նախապատրաստվում է հիմա ՀՀ իշխանությունների կողմից, որովհետև դու փաստացի ազդակ ես տալիս քո թշնամիներին, որ պատրաստ ես կատարել նրանց բոլոր նախապայմանները՝ հանուն, այսպես կոչված, խաղաղության: Իսկ իրականում խաղաղություն չի լինելու դրանով, դրանով թուրքական ախորժակը մեծանալու է, Ադրբեջանի նկրտումները Հայաստանի տարածքների նկատմամբ մեծանալու են»,- ասաց նա: