Կուլեբան հայտարարել է ուկրաինա-լեհ-բրիտանական դաշինքի ստեղծման մասին

Ուկրաինայի արտաքին գործերի նախարար Դմիտրի Կուլեբան հինգշաբթի օրը՝ փետրվարի 17-ին, հայտարարել է Ուկրաինայի, Մեծ Բրիտանիայի և Լեհաստանի միջև համագործակցության նոր եռակողմ ձևաչափի ստեղծման մասին։ Այս մասին նա ասել է Կիեւում Մեծ Բրիտանիայի պետքարտուղար Էլիզաբեթ Թրուսի հետ կայացած մամուլի ասուլիսում։

«Ուրախ եմ հայտարարել, որ Ուկրաինան, Մեծ Բրիտանիան և Լեհաստանը համագործակցության նոր եռակողմ ձևաչափ են սկսում։ Մենք հայտարարում ենք այս եռակողմ ուկրաինա-լեհ-բրիտանական դաշինքի ստեղծման մասին»,- ասել է նա։

Շուտով կհրապարակվի համատեղ հայտարարությունը, որում Մեծ Բրիտանիան և Լեհաստանը կհայտարարեն, որ կաջակցեն Ուկրաինային՝ պաշտպանելու Ուկրաինայի ինքնիշխանությունն ու տարածքային ամբողջականությունը: Ինչպես պարզաբանել է Կուլեբան, այս ձևաչափը կապահովի համագործակցության խորացում տնտեսական, առևտրային, էներգետիկ համագործակցության և ապատեղեկատվության դեմ պայքարի ոլորտում։ Հատուկ ուշադրություն է դարձվելու Ղրիմի հարթակին աջակցելուն։