Արևմուտքը կկանգնեցնի Պուտինին մամուլում հետախուզական տեղեկատվության արտահոսքով. The Guardian

Միացյալ Նահանգները և Միացյալ Թագավորությունը հրապարակել են հետախուզական տվյալներ Ուկրաինա ռուսական ներխուժման մտավախությունների վերաբերյալ: Այս մասին հայտնում է The Guardian-ը։

Հրատարակության համաձայն՝ երկու պետություններն էլ մտադիր էին ՌԴ նախագահ Վլադիմիր Պուտինին զրկել «անսպասելիության տարրից» (հարձակման համար)։

Վաշինգտոնում և Լոնդոնում պարբերաբար ճեպազրույցներ էին անցկացվում՝ մանրամասնելով ռուսական պոտենցիալ ռազմական մարտավարությունը, ռեժիմի փոփոխության դավադրությունները և կեղծ դրոշի գործողությունները: Պետդեպարտամենտի խորհրդական Դերեք Շոլլեի խոսքով՝ ԱՄՆ-ն ու նրա դաշնակիցները ցանկանում էին նախազգուշացնել Ռուսաստանի կողմից Ուկրաինայում նման գործողությունների հնարավոր անցկացման մասին, «որպեսզի նա դա չանի»:

«Կարծում եմ, որ Արևմուտքը մի փոքր ավելի հմուտ է դարձել հետախուզության օգտագործման մեջ: Սա այն է, ինչ մենք անվանում էինք տեղեկատվական պատերազմ, երբ ռուսներն անում էին դա, և սա այն է, ինչում մենք երբեք լավ չենք եղել: Հետաքրքիր է, որ այս տեղեկատվությունը նախատեսված չէ ամերիկացիների կամ Մեծ Բրիտանիայի քաղաքացիների համար: Դա Վլադիմիր Պուտինի համար է: Նա է, որ գիտի՝ արդյո՞ք դա ճիշտ է, թե՞ ոչ»,- ասել է ԿՀՎ վետերան Ջոն Սայֆերը:

Հիշեցնենք, որ արևմտյան ԶԼՄ-ները պնդում էին, որ ռուսները կհարձակվեն Ուկրաինայի վրա փետրվարի 15-ին, սակայն նման բան տեղի չունեցավ, և արևմտյան տեղեկատվական միջոցները դարձան ծաղրի առարկա` սխալ կանխագուշակման համար: