Հայ-թուրքական երկխոսության երկրորդ ռաունդից առաջ Թուրքիան հակահայ փաստաթուղթ է վավերացնում․ Թևանյան

ՀՀ իշխանությունները շարունակում են մոլորեցնելու և փափուկ բարձ դնելու քաղաքականությունը, մասնավորապես հայ-թուրքական հարաբերությունների մասով․  հայտարարվում է, որ ներկա երկխոսության գործընթացը առանց նախապայմանների է, ինչը  չի համապատասխանում իրականությանը, քանի որ թուրք-ադրբեջանական նախապայմանները բավարարվել են, կամ գտնվում են բավարարման փուլում։ Այս ամսին ԱԺ-ում հայտարարությունների ժամին ասաց «Հայաստան» խմբակցության պատգամավոր Անդրանիկ Թևանյանը։

«Սուտ է նաև այն պնդումը, թե Թուրքիան բարիդրացիական է տրամադրված և որպես դրա ապացույց ներկայացվում են օդանավակայանում հայ ուղևորներին ծաղիկներ նվիրելը և այլն։ Իրականությունը այն է, որ Թուրքիան մի ձեռքով գրում է, որ ՀՀ-ի հետ հարաբերությունները պատրաստ է կարգավորել առանց նախապայմանների, իսկ մյուս ձեռքով  վավերացնում է «Շուշիի հռչակագիրը», որտեղ մատնանշված են ՀՀ-ի տարածքային ամբողջականությանը, Արցախի ինքնորոշման իրավունքի, մեր տարածքներին և սահմաններին, հայոց ցեղասպանությանը վերաբերող կետերի դեմ լուրջ մարտահրավերներ, ինչպես նաև նշված է «Զանգեզուրի միջանցք» ձևակերպումը, որը նույնպես ոտնձգություն է ՀՀ ինքնիշխանության դեմ»,- ասաց Թևանյանը նշելով, որ ՀՀ իշխանությունները որևէ կերպ չեն արձագանքել։

Մանրամասն՝ տեսանյութում։