Հայաստանը բարոյական և իրավական իրավունք չունի մեզ պայմաններ պարտադրելու. Ադրբեջանի ԱԳՆ

Երկու շաբաթ առաջ Հայաստանը հանդես եկավ Ադրբեջանի հետ սահմանի սահմանազատման նոր առաջարկներով. Հունգարիայի արտաքին գործերի և առևտրի նախարար Պետեր Սիյարտոյի հետ համատեղ ասուլիսում հայտնել է Ադրբեջանի արտգործնախարար Ջեյհուն Բայրամովը։

Նրա խոսքով՝ հայկական կողմը որոշակի պայմաններ է դրել Ադրբեջանի և Հայաստանի միջև սահմանի սահմանազատման և սահմանագծման հանձնաժողովի աշխատանքները սկսելու համար։

«Ադրբեջանը հայտարարել է, որ կարող է սկսել այս գործընթացը, բայց առանց որևէ պայմանի»,- ընդգծել է Բայրամովը՝ հավելելով, որ սահմանների սահմանազատման հարցում «կրեատիվ» մոտեցումների կարիք չկա։

«Միջազգային սահմանները պետք է ճանաչվեն. Հայաստանը, որը 30 տարի օկուպացրել է ադրբեջանական հողերը, չունի իրավական, քաղաքական կամ բարոյական իրավունք սահմանների սահմանազատման հարցում որևէ պայման դնելու»,- եզրափակել է նա։