Զեղծարարություն է․ Լ․ Գալստյանը՝ ՔՊ-ական պատգամավորի կենսագրական տվյալների մասին

Արդեն նշել էինք, որ «Հայաստան» խմբակցության պատգամավոր Լիլիթ Գալստյանն ԱԺ ամբիոնից հայտարարեց, որ ՀՌՀ անդամի իշխանական թեկնածու Արթուր Մանուկյանը երկու կենսագրություն ունի՝ սուտ տեղեկատվություններով: Նիստի ընդմիջմանը նա լրագրողներին ներկայացրեց համապատասխան փաստաթղթերը:

«Սա զեղծարարություն է․ ԱԺ կայքէջում զետեղել երկու կենսագրություն՝ մեկը՝ աշխատանքային գրքույկի քաղվածք, մեկը՝ թղթային կենսագրություն, և այսպիսի հակասություն։ Սա պարզապես անթույլատրելի է: Այստեղ խոսքը քաղաքական բարոյականության մասին է, որի մասին երեկ ԱԺ-ում խոսում էր իշխանության մեկ այլ թեկնածու՝ Հակոբ Մովսեսը: Սա երկակի ստանդարտ է»,- ասաց պատգամավորը: