Չինաստանն ակնկալում է, որ ԱՄՆ-ը և Ռուսաստանը կկրճատեն միջուկային զինանոցները

Չինաստանը որպես կարեւոր քայլ է գնահատում START-3-ի երկարաձգումը Ռուսաստանի և ԱՄՆ-ի կողմից, բայց նաև անհրաժեշտ է համարում շարունակել միջուկային զինանոցների կրճատումը գերտերությունների կողմից. ասել է Չինաստանի ԱԳՆ սպառազինությունների վերահսկման բաժնի տնօրեն Ֆու Ցունը։

«Մենք չենք հավատում, որ դա բավարար է, քանի որ նույնիսկ START-3-ի երկարաձգումից հետո ԱՄՆ-ը և Ռուսաստանը միասին տիրապետում են Երկրի վրա գոյություն ունեցող միջուկային զենքի ավելի քան 90%-ին»,-  դիվանագետին մեջբերում է «ՌԻԱ Նովոստի»-ն։

Նա հավելել է, որ միջազգային կոնսենսուսն այն է, որ Ռուսաստանն ու ԱՄՆ-ը պետք է կրճատեն իրենց միջուկային զինանոցները։