Չինաստանն ընդդեմ Թուրքիայի գործի է դնում «քրդական գործոնը»` ի պատասխան թուրքական ույղուրամետ հռետորաբանության. The Diplomat

Ամերիկա-ճապոնական The Diplomat լրատվական ամսագիրը նշում է, որ, ի պատասխան Թուրքիայի ույղուրամետ հռետորաբանության ակտիվացման, Պեկինը խաղարկում է «քրդական հարցը»:

«Թուրքիայի՝ ույղուրների իրավիճակի վերաբերյալ  մեկնաբանություններից հետո Չինաստանը հակադարձել է՝ կենտրոնանալով այն շրջանների վրա, որտեղ ապրում են քրդերը, և մեղադրելով Թուրքիային այդ շրջաններում մարդու իրավունքների խախտումների մեջ: Չինաստանի գործողությունները ցույց են տալիս, որ Չինաստանը կպատասխանի, եթե Անկարան շարունակի բարձրացնել ույղուրների ցեղասպանության հարցը»,- գրում է The Diplomat-ը։

Եվս մի դրվագ, որն աննկատ է մնացել թուրքական ԶԼՄ-ներում, բայց անհանգստացրել է Պեկինին: Թյուրքական պետությունների կազմակերպության նոր անվանումը և Ստամբուլում հանդիպման ամսաթիվը՝ նոյեմբերի 12-ը, համընկել է Արևելյան Թուրքեստանի առաջին Հանրապետության ստեղծման օրվա հետ`  1933 թ.:

Թուրքիայի ծրագրված ներթափանցումը Կենտրոնական Ասիա և Չինաստանի ներթափանցումը Մերձավոր Արևելք ցույց են տալիս, որ չին-թուրքական հարաբերությունները, հավանաբար, ապագայում կմտնեն անհանգստացնող շրջան: Այսպես՝ Չինաստանն արդեն խոշորագույն օտարերկրյա ներդրողն է Իրաքյան Քուրդիստանի շինարարության և զբոսաշրջության ոլորտում։