Անհրաժեշտության դեպքում մենք վաղը կարող ենք հարձակվել Իրանի վրա. Իսրայելի ռազմաօդային ուժերի նոր ղեկավար

Իսրայելը կարող է վաղը հարվածել Իրանի միջուկային ծրագրին, եթե անհրաժեշտ լինի. ասել է Իսրայելի ռազմաօդային ուժերի ապագա հրամանատար Թոմեր Բարը իսրայելական լրատվամիջոցներին տված հարցազրույցում։

Բարը, որը ներկայումս ղեկավարում է Իսրայելի պաշտպանության բանակի գլխավոր շտաբի պլանավորման և համազորային սպառազինությունների զարգացման վարչությունը, ապրիլին կստանձնի օդուժի հրամանատարությունը և, հնարավոր է լինի այն անձը, որը պետք է հրամայի հարված հասցնել Իրանի միջուկային ծրագրին, եթե Վիեննայում շարունակվող բանակցությունները Իրանի և համաշխարհային տերությունների միջև ձախողվեն։

«Ես պետք է ենթադրեմ, որ դա տեղի կունենա իմ ժամանակ, և իմ ուսերն արդեն գիտակցում են պատասխանատվության ծանրությունը»,- ասել է Բարը: