Իսրայելի ռազմաօդային ուժերը Սիրիայի հարավում հարձակվել են «Հըզբոլլահ»-ի դիրքերի վրա

Փետրվարի 3-ի ուշ երեկոյան սիրիական հեռուստատեսությունը հաղորդել է, որ իսրայելական օդուժը գրոհել է սիրիական Քունեյթրա տարածքի վրա, որտեղ, ի պատասխան, ՀՕՊ համակարգեր են տեղադրվել. գրում է իսրայելական newsru.co.il թերթը:

Մարդու իրավունքների սիրիական դիտորդական խումբը հրապարակել է թարմացված տվյալներ. հարձակման են ենթարկվել «Գոլանի ազատագրության սիրիական դիմադրության» և «Հըզբոլլահ»-ի դիրքերը։

SOHR-ի հաղորդմամբ՝ պայթյուններ են լսվել նաև Սիրիայի բանակի 90-րդ տանկային բրիգադի դիրքերում: Հաղորդվում է նաև դիտակետերի ոչնչացման մասին Ալ Հաբարիայում՝ Քունեյթրա շրջանում, Դերաայի նահանգապետարանի հետ սահմանի մոտ։ Զոհերի մասին չի հաղորդվում:

Իսրայելի Պաշտպանության ուժերի մամուլի գրասենյակը հայտնել է, որ չի մեկնաբանի օտարերկրյա լրատվամիջոցների հաղորդագրությունները: