Չգիտեմ, թե այս իշխանությունը հույսն ինչի վրա է դրել․ Աննա Գրիգորյան

Արդեն Ադրբեջանը կարողացել է հասնել նրան, որ միջազգային հանրության մոտ ռազմագերի բառը չի օգտագործվում․ լրագրողների հետ հանդիպման ժամանակ ասաց «Հայաստան» խմբակցության պատգամավոր Աննա Գրիգորյանը։

«Նրանց մոտ արդեն օգտագործվում է միայն՝ պահվող անձինք։ Վերջին բոլոր փաստաթղթերում, նաև Շարլ Միշելի հայտարարության մեջ ուղղակի չի խոսվում ռազմագերիների մասին, իսկ դա նշանակում է, որ Ադրբեջանը կարողացել է բոլորին համոզել, որ նրանք ռազմագերիներ չեն, այլ կարգավիճակ ունեցող անձինք են՝ պահվող անձինք։ Սա անթույլատրելի է, որովհետև գերեվարումները եղել են ռազմական գործողությունների հետևանքով»,- ասաց պատգամավորը։