Նոր Կալեդոնիայի բնակիչները դեմ են Ֆրանսիայից անկախանալուն

Նոր Կալեդոնիայի բնակիչները մերժել են Ֆրանսիայից՝ այս անդրծովյան տարածքի անկախախանակու նախագիծը։

Ընտրողների մասնակցությունը կազմել է 43,90 տոկոս՝ գրանցված 184 հազար ընտրողի: Հանրաքվեի մասնակիցների բացարձակ մեծամասնությունը՝ 96,49 տոկոսը, դեմ է քվեարկել։

Ավելի վաղ անկախության կողմնակիցները կոչ էին արել ընտրողներին՝ չմասնակցել քվեարկությանը` նկատի ունենալով, որ հանրաքվե անցկացնելու համար դեռ բարենպաստ հանգամանքներ չկան։

Նոր Կալեդոնիայի բնակիչները դեմ են քվեարկել անկախությանը նաև 2018 թվականի նոյեմբերին և 2020 թվականի հոկտեմբերին։ Ֆրանսիայի հետ պայմանավորվածության համաձայն՝ անկախության կողմնակիցներն իրավունք ունեին ևս մեկ հանրաքվե անցկացնել մինչև 2022 թվականը։

Ֆրանսիայի նախագահ Էմանուել Մակրոնը սատարել է Նոր Կալեդոնիայի ժողովրդի որոշմանը, որը երրորդ անգամ հանրաքվեով հրաժարվել է անկախության գաղափարից և ասել, որ իրենք ազատ ընտրություն են կատարել։