Աբսուրդ է, երբ սահմանին փայտով են թշնամուն ծեծում, ու պարզվում է, որ չկրակելու հրաման չի եղել․ Մանուկյան

ԱԺ պաշտպանության և անվտանգության նիստում «Հայաստան» դաշինքի պատգամավոր Գեղամ Մանուկյանը անդրադարձավ սահմանին կրակել-չկրակելու հրամանին։

«Վերջին  օրերին Նիկոլ Փաշինյանը հրամայեց, որ չկրակելու հրաման տվողը դավաճան է։ Դուք եղել եք պաշտպանության փոխնախարար, մայիսի 20-ին, երբ Նիկոլ Փաշինյանը հայտարարում է, որ սահմանին զանգվածային ծեծկռտուքներ են եղել, տրամաբանորեն, պաշտպանական գերատեսչությունը պետք է անդրադառնա, որ սահմանը պարզապես կրակոցներով չի պահվում, պարզապես փայտերով իրար ծեծում են։ Այդ ժամանակ ՊՆ-ն որևէ քննություն իրականացրե՞լ է, թե ինչո՞ւ սահմանագծին, առաջնագծում ոչ թե կրակոցներ են արձակել, ոչ թե կրակելով են պաշտպանել սահմանը, այլ  ծեծկռտուքի միջոցով են փորձել կասեցնել թշնամու առաջխաղացումը»,- խոսքն ուղղելով պաշտպանության փոխնախարար Արման Սարգսյանին ասաց Գեղամ Մանուկյանը։

Փոխնախարարի խոսքով՝ որևէ պաշտոնատար անձի չկրակելու հրաման չի տրվել։

Մանրամասն՝ տեսանյութում։