Գորիս-Կապան հատվածն անվտանգ է, չնայած այնտեղ են հարևան պետության ներկայացուցիչները. ԱԱԾ փոխտնօրեն

ԱԱԾ փոխտնօրեն Արամ Հակոբյանին ԱԺ-ում լրագրողներն այսօր մի շարք հարցեր ուղղեցին Սյունիքում տիրող իրավիճակի մասին։

«Փայլասարում ամեն ինչ նորմալ է․ ոչ մի փոփոխություն չկա Փայլասարում։ Նախորդ օրը սահմանապահ զորքերի հրամանատարը եղել է այստեղ և հարցերին պատասխանել է»,- ճեպազրույցում ասաց ԱԱԾ փոխտնօրեն նա։

Արամ Հակոբյանը նաև վստահեցրեց, որ Գորիս-Կապան ավտոճանապարհը շատ անվտանգ է։ «Այո, անվտանգ է։ Ես անցած օրն եմ եկել, շատ անվտանգ է։ Ճիշտ է, այնտեղ կանգնած են հարևան պետության ներկայացուցիչները, բայց ընդհանրապես հայ քաղաքացիներին չեն կանգնեցնում»,- ասաց նա։

Այլ հարցերի Հակոբյանը չպատասխանեց և հեռացավ: